اوسی:
ملتان دے علاقے اسلام نگر اچ آئے ڈینہہ ڈکیتی دی وارداتاں دے خلاف اہلِ علاقہ احتجاجی مظاہرہ کریندے ہوئیں وہاڑی روڈ بلاک کر ڈتے۔
وی او:
غلہ منڈی چوک اچ احتجاج کریندے ہوئیں مظاہرین ٹائر ساڑ تے روڈ بلاک کر ڈتے جیندے پاروں وہاڑی روڈ تے گڈیاں دیاں لمبیاں قطاراں لگ گیاں۔ ایں موقع تے مظاہرین دا آکھݨ ہا جو تھاݨہ ممتازآباد دے علاقے اسلام نگر اتے ڈوجھے علاقیاں اچ آئے ڈینہہ ڈکیتی دی وارداتاں تھیندیاں پین۔ جیندی وجہ توں شہری روزانہ لکھاں روپے دے سامان اتے نقدی توں محروم تھی ویندن۔ مظاہرین تھاݨہ ممتازآباد پولیس دے خلاف نعرے بازی کریندے ہوئیں آکھیا جو آئے ڈینہہ وارداتاں دے باوجود پولیس ملزمان دی گرفتاری اتے مال مسروقہ دی برآمدگی کیتے کوئی اقدامات نی کریندی پئی۔ مظاہرین وزیرِاعلیٰ پنجاب اتے مقامی انتظامیہ توں مطالبہ کیتے جو ڈکیتی دی وارداتاں تے قابو پا تے شہریاں کوں تحفظ فراہم کیتا ونجے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی رپورٹ:
صوبہ سرحد نال واقع سرائیکی وسوں دے شہر دیرہ غازیخان دی تحصیل تونسہ دے رہائشیاں سرحدی چوکیاں تے سیکیورٹی کوں ناکافی قرار ݙے ݙتے۔ایں حوالے نال ݙیہدے ہیں اکبر مخمور مغل دی رپورٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی:
کارڈیالوجی انسٹیٹیوٹ ملتان دے ڈاکٹراں ولوں شہری تے تشدد دے خلاف پریس کلب دے سامݨے احتجاجی مظاہرہ کیتا ڳئے۔
وی او:
تفصیلات مؤجب انسٹیٹیوٹ آف کارڈیالوجی ملتان دے ایم ایس ایڈمن ڈاکٹر اطہر آپݨے ساتھیاں نال مل تے ہک ݙینہہ پہلے طارق شاہ نامی کانسٹیبل کوں تشدد دا نشانہ بݨایا ہا اتے اونکوں کمرے اِچ بند کر ݙتا ہا۔بعد ازاں پولیس دی مدد نال کانسٹیبل کوں بازیاب کراگھدا ڳئے۔ایں واقعے دے خلاف احتجاج کریندے ہوئے مظاہرین مطالبہ کیتے جو ڈاکٹر اطہر کوں فوری طور تے معطل کرتے کاروائی کیتی ونڄے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی:
لاہور ھائی کورٹ ملتان بینچ اچ سپریم کورٹ بارالیکشن سانگے پولنگ مکمل تھی گئی ھے۔
وی او:
پولنگ سویرے نو وجے توں شام 4 وجے تئیں جاری رہی۔ جیندے اِچ سپریم کورٹ دے 104 ممبران آپݨی رائے دا اظہار کیتا ۔پولنگ دے موقع تے لاہور ہائی کورٹ ملتان بینچ اِچ سیکیورٹی دے انتہائی سخت انتظامات کیتے ڳئے ہن۔بلڈنگ کوں مکمل طورتے پولیس آپݨے گھیرے اِچ گھدا ہویا ہا۔پولنگ دے دوران پریزائڈنگ آفیسر لاہور ہائی کورٹ ملتان بار دے صدر قمرالزمان بٹ ہن۔ جڈاں جونتائج دا اعلان کل کیتا ویسی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی:
سردی آندے ہی لنڈا بازاراں اچ خریداراں دا رش ودھ ڳئے جیندے پاروں دکانداراں قیمتاں اچ بےتحاشا اضافہ کر ݙتے۔
وی او:
تفصیلات موجب ملتان اچ حسین آگاہی،گردیزی مارکیٹ،ممتاز آباد اتے ݙوجھے مقامات تے لنڈے دی نویں ورائٹی دکاناں تے سجا ݙتی ڳئی اے۔سیزن بدلدے ہی انہاں بازاراں اچ شہریاں ولوں خریداری عروج تے پُڄ ڳئی ھے۔لوک جرسیاں،گرم کپڑے اتے ݙوجھی اشیاء ڳھنن سانڳے بازاراں اچ آندے پئن پر دکانداراں قیمتاں اچ بےتحاشا وادھا کیتا ہویا ھے۔جیندی وجہ توں شہریاں کوں لنڈا خریداری اچ وی مشکلات دا سامنا ھے۔سردی دی آمد نال کمبل اتے رضائیاں دی مانگ وی ودھ ڳئی ھے۔مارکیٹ اچ ایں ویلھے چائنا دے پتلے اتے ناقص کوالٹی والے کمبل موجود ہِن۔پر انہاں دی قیمتاں ڳذریل سال توں 800 روپے تک زیادہ ہِن۔ڄڈاں ڄو رضائیاں دی قیمتاں اچ وی 300 توں 500 روپے اضافہ تھی ڳئے۔شہریاں حکومت توں مطالبہ کیتے جو سردیاں اچ مہنگائی تے قابو پاوݨ سانڳے اقدامات کیتے ونجن تاکہ غریب شیریاں کوں ریلیف مِل سڳئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی:
اسلامی جمیعت طلباء پاکستان دے مرکزی ناظم اعلٰی عتیق الرحمٰن آکھے جو ملک اچ بجلی اتے کھنڈ دا بحران خودساختہ ہے، صدر سمیت ݙوجھے سیاستدان جےکر آپݨی بیرونی دولت وطن واپس گھن آون تاں پاکستان امریکی غلامی توں نجات حاصل کر سڳدے۔
وی او:
خانیوال اچ طلباء کنونشن نال خطاب کریندے ہوئے انہاں آکھا جو پاکستان کوں امریکہ اپݨی غلامی اچ جکڑا ہوئے جیندی وجہ توں ملک اچ ہر پاسے ظلم اتے لُٹ مار دا دور دورہ ہے۔ ایں صورتحال دے خاتمے سانگے نوجواناں کوں اپݨا کردار ادا کرݨا پوسی۔ انہاں آکھیا جو فوج دا صدر مقام جی ایچ کیو ہے پر او وی غیر محفوظ ہے۔انہاں دا آکھݨ ہا جے کر صدر پاکستان اتے ݙوجھے وݙے سیاستدان آپݨا سرمایہ پاکستان اچ گھن آون تاں پاکستان امریکہ دی غلامی توں بچ سڳدے۔ انہاں آکھیا جو عدلیہ بحالی دی تحریک خالصتاً عوامی تحریک ہے ایندا کریڈٹ کئیں سیاسی جماعت کوں نی ویندا۔ انہاں آکھیا جو 25 دسمبر کوں اسلام آباد اچ طلباء کنونشن اتے 11 نومبر کوں ملتان اچ طلبہ دی امریکہ ریلی کڈھی ویسی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اوسی رپورٹ:
تحصیل صدر بہاولپور بے شمار مسائل دا شکار ہے۔ ایں تحصیل دے وسائل اتے مسائل بارے ڈیہدے ھین انجم پتافی دی رپورٹ۔
